Luk 21:29-33 | sml_BL_2008 | STEP | Jari aniya' paralilan pinah'lling e' si Isa ma sigām, yukna, “Pandogahinbi kayu igira maka saga kayu kasehe'an.

Luke 21:29-33

Pamintāngan min Kayu Igira

(Matiyu 24:32-35, Markus 13:28-31)

29 Jari aniya' paralilan pinah'lling e' si Isa ma sigām, yukna, “Pandogahinbi kayu igira maka saga kayu kasehe'an. 30 Bang ta'nda'bi angugbus dahunna, minnē' kata'uwanbi song musim pang'llaw na. 31 Damikiyanna itu bang ta'nda'bi paniya' bay pamissalaku ma ka'am insini' he', minnē' isab kata'uwanbi asekot na waktu pagparinta Tuhan ma dunya. 32 B'nnal ya pangahakaku ma ka'am,” yuk si Isa. “Ma mbal gi' magpatayan kamemon saga a'a ya allum ma buwattina'an, paniya' du pakaradja'an kamemon bay yukku-i. 33 Papinda du langit maka dunya sagō' kabtanganku itu mbal to'ongan magkapinda.”